పెద్ద‌శేష వాహ‌నంపై వైకుంఠ నాధుడి అలంకారంలో శ్రీ కల్యాణ వేంక‌టేశ్వ‌ర‌స్వామి

 శ్రీనివాసమంగాపురంలోని 

శ్రీ  కల్యాణ వేంక‌టేశ్వ‌ర‌స్వామివారి బ్రహ్మోత్సవాల్లో మొదటిరోజు శనివారం రాత్రి 7 నుండి 8 గంటల వరకు పెద్దశేష వాహనంపై శ్రీ‌దేవి, భూదేవి స‌మేత శ్రీ కల్యాణ వేంక‌టేశ్వ‌ర‌స్వామివారు ప‌ర‌మ‌ప‌ద వైకుంఠ నాధుడి అలంకారంలో  కటాక్షించారు.

అశ్వాలు, వృషభాలు, గజాలు  ముందు కదులుతుండగా మంగళవాయిద్యాలు, భక్తుల కోలాటాలు, చెక్కభజనల నడుమ స్వామి అమ్మవార్లు  ఆలయ నాలుగు మాడ వీధుల్లో భక్తులకు దివ్య దర్శనమిచ్చారు.  అడుగడుగునా భక్తులు కొబ్బరికాయలు, కర్పూర హారతులు సమర్పించి స్వామివారిని సేవించుకున్నారు.

శేషుడు స్వామివారికి మంచం, పరుపు, ఛత్రం మూడూ తానే అయి శేషశాయి అనే పేరును సార్థకం చేస్తున్నారు.

శేషుణ్ణీ దర్శించే భక్తుల్ని కాపాడుతానని, మీరందరూ శేషుని వలె నాకు నిత్యసేవకులుగా ఉండి సత్ఫలితాలు పొందాలని ఈ వాహనసేవ ద్వారా స్వామివారు బోధిస్తున్నారు.

19న తిరుమల శ్రీవారి పుష్పకైంకర్యాలకు ఏడుకొండలఫై పుష్పవనం ఏర్పాటు చేసిన అనంతాళ్వాన్

అనంతాళ్వాన్.జన్మించినది కర్నాటక రాష్ట్రములోని మైసూరునకు దగ్గిరలోని శ్రీరంగ పట్టణ కు 3 కి.మీ.దూరములో ఉన్న కిరంగూర్ లో జన్మించారు.

2వేలిస్తే తిరిగి ఇవ్వారు... ఇహపై బ్యాంకులోనే గులాబీ నోటు...

*రిజర్వ్ బ్యాంక్ ఆఫ్ ఇండియా ఈ రోజు మంగళవారం ఉదయం నుండి దేశంలోని అన్ని బ్యాంకుల మీద కొత్త నియమాలను అమలులోకి తీసుకు వస్తోంది. బ్యాంకులు ఈ రోజు మంగళవారం నుండి కస్టమర్ల నుండి 2000 రూపాయల నోట్లు స్వీకరించగలుగుతాయి గానీ, మళ్లీ కస్టమర్లకు డబ్బులు ఇవ్వాల్సి వచ్చినప్పుడు ఎట్టి పరిస్థితుల్లో 2,000 రూపాయల నోట్లని ఇవ్వకూడదు.

డిసెంబర్ 2019 నుండి రిజర్వ్ బ్యాంక్ ఆఫ్ ఇండియా 2000 నోట్లను ముద్రించడం నిలిపివేసింది. మనీలాండరింగ్ లాంటి కార్యకలాపాలు పెద్ద నోట్లను వాడుతున్నట్లు మోదీ ప్రభుత్వం భావించడం వలన దశలవారీగా 2,000 నోట్లని ఉప సమర్ధించే యోచనలో ప్రభుత్వం ఉంది. అందులో భాగంగానే 2000 రూపాయల నోట్లని రద్దు చెయ్యడానికి సన్నాహాలు ఏమైనా జరుగుతున్నాయా అన్న సందేహాలు వ్యక్తమవుతున్నాయి.

*ATM లలో కూడా ఉండవు*

ఈ రోజు నుండి ATM మెషిన్లలో కూడా రూ. 2,000 రూపాయల నోట్లు లోడ్ చెయ్యొద్దని రిజర్వ్ బ్యాంక్ ఆఫ్ ఇండియా బ్యాంకులను ఆదేశించింది..

భావి భారత నిర్మాణానికి నాంది 'యువ ధార్మికోత్సవం టిటిడి పిఆర్వో డాక్టర్ టి. రవి

  

తిరుమలలో ఘనంగా ప్రారంభమైన యువ ధార్మిక సమ్మేళనంయువతకు విద్యతో పాటు వినయం, సంస్కారం అలవడినప్పుడే సమాజంలో చక్కటి పౌరులుగా భావి భారత నిర్మాణానికి నాంది అవుతారని టిటిడి పిఆర్వో డాక్టర్ టి.రవి అన్నారు. తిరుమల ఆస్థాన మండపంలో యువ ధార్మిక సమ్మేళనం రెండు రోజుల కార్యక్రమం ఆదివారం ఉదయం ఘనంగా ప్రారంభమైంది.

ఈ కార్యక్రమానికి ముఖ్య అతిథిగా విచ్చేసిన పిఆర్వో  మాట్లాడుతూ, మన పూర్వీకులు మనకు అందించిన వేదాల్లోని సారాన్ని, అధ్యాత్మిక చింతనను చిన్నతనం నుండి అలవర్చుకుంటే జీవితంలో ఉన్నత శిఖరాలను అధిరోహించవచ్చన్నారు. తల్లిదండ్రుల, గురువుల మాట వినాలని, తమ పని తాము చేసుకుంటూ ఆదర్శంగా నిలవాలన్నారు. 

సమాజంలో నడుచుకోవాల్సిన తీరు, మానవత్వంతో వ్యవహరించాల్సిన విధానం, దైవత్వం సాధించేందుకు చేయాల్సిన కృషి తదితర విషయాలను వివరించారు.

అనంతరం సిఏఓ శ్రీ శేషశైలేంద్ర

కార్యక్రమంలో  దాససాహిత్య ప్రాజెక్టు ప్రత్యేకాధికారి పి.ఆర్‌.ఆనందతీర్థాచార్యులు మాట్లాడుతూ, యువ ధార్మిక సమ్మేళనం ద్వారా యువత ఉన్నత శిఖరాలను అధిరోహించవచ్చు యుక్త వయసులో ప్రతి మానవునిలో గొప్ప పరిణామం కలుగుతుందని,  ఈ వయసులో నేర్చుకునే విషయాలు జీవితాంతం గుర్తుండిపోతాయని చెప్పారు.

ఈ కారణంగానే భారత యువతను ఆధ్యాత్మికంగా శక్తిమంతులుగా ఉన్నారని చెప్పారు. మానవ జీవితంలో రామాయణం, భగవద్గీత, భాగవతాల ప్రాముఖ్యతను వివరించారు.

 దాససాహిత్య ప్రాజెక్టు ప్రత్యేకాధికారి శ్రీ పి.ఆర్‌.ఆనందతీర్థాచార్యులు ప్రసంగిస్తూ, యువ ధార్మిక సమ్మేళనం ద్వారా యువత ఆధ్యాత్మికంగా ఉన్నతంగా జీవించవచ్చని చెప్పారు. ప్రతి ఒక్కరికి విద్య రావచ్చు గాని, సంస్కారం రాదని, సంస్కారం కలిగిన వ్యక్తి దేవుడు గురించి ఆలోచిస్తాడన్నారు. పక్షికి రెండు రెక్కలు ఉన్నట్లు, మనిషి ఉన్నత శిఖరాలను చేరుకోవడానికి రెండు రెక్కలు కావాలని, అందులో ఒకటి మానవ ప్రయత్నం, రెండవది దైవానుగ్రహం అని తెలియజేశారు.

వేదాలు, పురాణాలు, ఉపనిషత్తులు సంస్కారవతమైన జీవితాన్ని అలవర్చుకోవడానికి ఎంతగానో ఉపయోగపడతాయని వివరించారు. 

  ఈ కార్యక్రమంలో ఆంధ్ర, తెలంగాణ, కర్ణాటక రాష్ట్రాల నుండి విచ్చేసిన దాదాపు 1600 మంది 10 నుండి 15 సంవత్సరాల లోపు పిల్లలు పాల్గొన్నారు.

వేడుక‌గా శ్రీ రామకృష్ణ తీర్థ ముక్కోటి

తిరుమల శేషాచ‌ల అడ‌వుల్లోని పుణ్య‌తీర్థాల్లో ఒక‌టైన శ్రీ రామ‌కృష్ణ‌తీర్థ ముక్కోటి ఆదివారం వేడుక‌గా జ‌రిగింది. ప్రతిఏటా మాఘ మాసంలో పౌర్ణమినాడు శ్రీరామకృష్ణ తీర్థ ముక్కోటి నిర్వహించడం ఆనవాయితీ. శ్రీరామకృష్ణ మహర్షి తపోబలంతో ఈ పుణ్యతీర్థాన్ని సృష్టించినట్టు పురాణాల ద్వారా తెలుస్తోంది.

శ్రీవారి ఆలయం నుంచి అర్చ‌క సిబ్బంది మంత్రోచ్ఛారణ చేసుకుంటూ ఊరేగింపుగా బయలుదేరి ఉదయం 9 గం||లకు శ్రీ రామకృష్ణ తీర్థానికి చేరుకున్నారు. అక్క‌డ కొలువై ఉన్న శ్రీరామచంద్రమూర్తి, శ్రీకృష్ణ భగవానుల విగ్రహాలకు పాలు, పెరుగు, చంద‌నం త‌దిత‌ర సుగంధ ద్ర‌వ్యాల‌తో విశేషంగా అభిషేకం చేశారు. ప్రత్యేక పూజలు నిర్వహించి నైవేద్యం స‌మ‌ర్పించారు.

రామ‌కృష్ణ తీర్థానికి వెళ్లే భక్తులకు పాపవినాశనం డ్యామ్‌ వద్ద పొంగళి, ఉప్మా, సాంబారన్నం, పెరుగన్నం, పులిహోర పొట్లాలు, తాగునీరు, మ‌జ్జిగ ప్యాకెట్లు పంపిణీ చేశారు. పోలీసుల సమన్వయంతో టీటీడీ విజిలెన్స్‌, ఫారెస్ట్‌ మజ్దూర్‌లు భక్తులకు దారి పొడవునా భద్రత ఏర్పాటు చేశారు. పాపవినాశనానికి భక్తులను తరలించేందుకు ఏపీఎస్ ఆర్టీసీ ప్రతి 5 నిమిషాలకు ఒక బస్సు చొప్పున 30 బస్సులను నడిపింది. పాప వినాశనం వద్ద పార్కింగ్‌కు స్థలం పరిమితంగా ఉన్నందున గోగర్భం డ్యాం పాయింట్ దాటి ప్రైవేట్ ట్యాక్సీలు మరియు జీప్‌లను అనుమతించలేదు.

   మధ్యాహ్నం 12 గంటల తర్వాత భక్తులకు ప్రవేశాన్ని నిలిపివేశారు.

     పాపవినాశనం డ్యాం వద్ద అంబులెన్స్‌తో పాటు మూడు పాయింట్ల వద్ద వైద్య బృందాలను ఉంచారు. ఉదయం 5 గంటల నుంచి సాయంత్రం 6 గంటల వరకు భక్తులకు అన్నప్రసాదాలను అందించేందుకు 100 మంది శ్రీవారి సేవకులను నియమించారు.

     టీటీడీ, పోలీస్, ఆర్టీసీలోని సంబంధిత విభాగాల అధికారులందరూ సమన్వయంతో భక్తులకు ఇబ్బంది లేకుండా ఏర్పాట్లను పర్యవేక్షించారు.  స్థానికులతో పాటు తమిళనాడు మరియు కర్ణాటక నుండి వచ్చిన వందలాది మంది యాత్రికులకు ట్రెక్కింగ్ సాఫీగా జరిగేలా చూసారు.

సినీ శ్రావ్య సంగీత "వాణి" కన్నుమూత

 తెలిమంచును కరిగిందంటూ తేటతెలుగుపదాలు పలికిన..

ఆహా ఏమిటి లోకమంటూ సమాజంపై సెటైర్లు వేసిన ఆగళంలో మాధుర్యమే..మర్యాదే....

చిన్న..పెద్ద..అందరిని మీరు అంటూ గౌరవంగా పిలిచే ఆ గళం మూగపోయింది..

తెలుగు చిత్ర పరిశ్రమలో మరో విషాదం. కళాతపస్వి కె.విశ్వనాథ్‌ ఈ లోకాన్ని విడిచి వెళ్లిన విషాదాన్ని మరువక ముందే ప్రముఖ సినీ నేపథ్య గాయని వాణీ జయరాం (78) (vani jayaram) కన్నుమూశారు. శనివారం ఉదయం చెన్నైలోని తన నివాసంలో ఆమె తుదిశ్వాస విడిచినట్లు కుటుంబసభ్యులు తెలిపారు.  వాణీ జయరాం తమిళనాడులోని వెల్లూరులో 1945 నవంబరు 30న జన్మించారు. ఆమె అసలు పేరు కలైవాణి. ఆరుగురు అక్కాచెల్లెళ్లలో వాణీ జయరాం ఐదో సంతానం. కర్ణాటక సంగీతం ఔపోసన పట్టిన ఆమె, ముత్తుస్వామి దీక్షితార్‌ కీర్తనలు చక్కగా పాడేవారు. ఎనిమిదో ఏటనే సంగీత కచేరీ నిర్వహించిన ప్రశంసలు అందుకున్నారు. 

వాణీజయరాం ఇప్పటి వరకు తెలుగు, హిందీ, తమిళ, మలయాళ, గుజరాతీ, మరాఠీ, ఒరియా, భోజ్‌పురీ.. ఇలా 14 భాషల్లో దాదాపు 10 వేలకు పైగా పాటలు ఆలపించారు. ఆమె మృతిపట్ల తెలుగు, తమిళ సినీ ప్రముఖులు విచారం వ్యక్తం చేశారు. వాణీ జయరాం కుటుంబ సభ్యులకు ప్రగాఢ సానుభూతి తెలిపారు.

   ఆల్‌ ఇండియా రేడియోతో పాపులర్‌:

వాణీ పుట్టగానే ఆమె తండ్రి ఓ సిద్ధాంతిని కలిసి జాతకం చూపించగా.. ‘మీ పాప భవిష్యత్తులో మంచి గాయని అవుతుంది. అందుకే కలైవాణి అని పేరు పెట్టండి’ అని సూచించారట. ఆ మాట వినగానే అప్పుడు వాణీ తండ్రి నవ్వుకున్నారు కానీ.. ఆ మాటలు నిజమని తేలడానికి ఎన్నో ఏళ్లు పట్టలేదట. ఐదేళ్ల వయసులో కడలూరు శ్రీనివాస అయ్యంగార్‌ అనే విద్వాంసుని దగ్గర తొలిసారి సంగీతంలో ఓనమాలు దిద్దుకున్న ఆమె.. ఆ తర్వాత టి.ఆర్‌.బాలసుబ్రమణియన్‌, త్రివేండ్రం ఆర్‌.ఎస్‌.మణిలాంటి సంగీత విద్వాంసుల శిక్షణలో మరింత ఆరితేరారు. పదేళ్ల వయసులో తొలిసారి ఆల్‌ ఇండియా రేడియోలో పాటలు పాడే అవకాశాన్ని అందుకున్న వాణీ(vani jayaram).. అక్కడి నుంచే మొదటిసారి తన అమృత స్వరాన్ని బాహ్య ప్రపంచానికి వినిపించారు. రేడియోలో వరుసగా నాటకాలు వేయడం.. కవితలు చదవడం.. పాడటం.. దాదాపు పదేళ్ల పాటు నిరంతరం అదే ఆమె వ్యాపకంగా మారిపోయింది. ఈ క్రమంలోనే ఆ చిన్న వయసులోనే స్కూల్లో ఓ సెలబ్రిటీగా మారిపోయారు. ఆ తర్వాత ఆమె మనసు సినిమా పాటల వైపు మళ్లింది. అయితే శాస్త్రీయ సంగీతాన్ని తప్ప సినీ గీతాలు ఆలపించడాన్ని అవమానంగా భావించేది వాణీజయరాం కుటుంబం. అందుకే రేడియోలో వచ్చే సినిమా పాటల్ని ఎవరికీ వినిపించకుండా తక్కువ సౌండ్‌ పెట్టుకొని కంఠతా పట్టేవారు వాణీ (vani jayaram). అలా క్రమంగా సినిమాల్లో ఎలాగైనా పాటలు పాడాలని బలంగా నిర్ణయించుకున్నారామె. పెళ్లి తర్వాత భర్త జయరాం ప్రోత్సాహంతో కర్ణాటిక్‌, హిందుస్థానీ సంగీతాలను నేర్చుకున్న ఆమె.. 1969లో బాంబేలో తొలి కచేరి ఇచ్చారు. అదే ఆమె జీవితాన్ని మలుపు తిప్పింది.

ఇలా ఓ కచేరీ చేస్తున్న సందర్భంలోనే సంగీత దర్శకుడు వసంత్‌దేశాయ్‌ కంటపడ్డారు వాణీజయరాం. ఆయనకు ఆమె గొంతు బాగా నచ్చడంతో ఆమెను గుల్జార్‌కు పరిచయం చేశారు. అనంతరం 1970లో ‘గుడ్డీ’ చిత్రంలో తొలిసారి పాట పాడే (vani jayaram singer) అవకాశమిచ్చారు. అందులో ఆమె పాడిన ‘బోలే రే’ పాట అప్పట్లో సూపర్‌ హిట్టయ్యింది. దానికి తాన్‌సేన్‌తో పాటు మరో నాలుగు అవార్డులు వచ్చాయి. అలా మొదలైన ఆమె సినీ పాటల ప్రయాణం.. ఆ తర్వాత ఓ ప్రవాహంలా కొనసాగింది. వాణీ గళాన్ని తొలిసారి తెలుగు ప్రేక్షకులకు పరిచయం చేసింది ఎస్‌.పి.కోదండపాణి. ‘అభిమానవంతుడు’ అనే చిత్రంలో ‘ఎప్పటివలె కాదురా స్వామి’ అనే పాటను వాణీజయరాంతో పాడించారాయన. ఇక ఆ తర్వాత నుంచి ఆమె తెలుగు, తమిళ, మలయాళ, కన్నడ భాషల్లో బిజీ గాయనిగా మారిపోయారు.

ఆమె గానానికి మూడు జాతీయ అవార్డులు పాదాక్రాంతం..

కె.బాలచందర్‌ తీసిన ‘అపూర్వ రాగంగళ్‌’ చిత్ర పాటలు వాణీకి మంచి గుర్తింపు తీసుకొచ్చాయి. అందులో ఆమె పాడిన పాటలకు గానూ తొలిసారి జాతీయ అవార్డు అందుకున్నారు. తెలుగులో  ‘శంకరాభరణం’ చిత్రంలోని ‘మానస సంచరరే’ పాటకు రెండోసారి, ‘స్వాతికిరణం’లోని ‘ఆనతి నియ్యరా హరా’.. పాటకు  మూడోసారి ఉత్తమ గాయనిగా జాతీయ పురస్కారం అందుకున్నారు. ‘తెలిమంచు కరిగింది’,  ‘ఎన్నెన్నో జన్మల బంధం’, ‘ఒక బృందావనం’.. ఇలా చెప్పుకుంటూ పోతే ఆమె (vani jayaram) గళం నుంచి జాలువారిన ప్రతి పాటా సినీ సంగీత ప్రియుల్ని మురిపించింది. అప్పట్లో ఏదైనా కొత్తగా పాడించాలన్నా.. కష్టమైన స్వరకల్పన ఉన్నా వాణీతోనే పాడించాలనుకునేవారట సంగీత దర్శకులు. తాను గాయనిగా ఇంత ఎత్తు ఎదగడానికి తన భర్త జయరాం అందించిన ప్రోత్సహమే కారణమంటారు వాణీ (vani jayaram). తమకు పిల్లలు లేకున్నా.. ఆ లోటును సంగీతమే తీర్చిందని సగర్వంగా చెబుతుంటారామె. వాణీ భర్త జయరాం 2018లో కన్నుమూశారు. ఇటీవలే వాణీ జయరాంకు కేంద్ర ప్రభుత్వ పద్మభూషణ్‌ ప్రకటించింది.....

.....సేకరణ

హాట్ న్యూస్: ఇటు జోగి.. అటు జమ్మాన.. మధ్యలో పరిషత్ రాజ్ పంచాయతీ..

ఎన్నికల దగ్గర పడుతున్న కొద్ది రాష్ట్రంలో రాజకీయాలు వేడెక్కుతున్నాయి.. రసవత్తరమైన రాజకీయంలో ఉత్తరాంధ్ర పాత్ర చాలా పెద్దది. 2019 ఎన్నికలలో వైఎస్ఆర్సిపి పార్టీకి ఉత్తరాంధ్ర పెద్దపీట వేసింది. ఇప్పుడు అదే ఉత్తరాంధ్ర వచ్చే ఎన్నికలలో ఇబ్బందికరంగా మారే అవకాశం ఉంది. అందులో ముఖ్యంగా పక్క పక్కన ఉండే రెండు నియోజకవర్గాలు ఇబ్బందికర పరిస్థితులను చూపిస్తుంది. మన్యం జిల్లాలోని కురుపాం నియోజకవర్గం, పార్వతి పురం నియోజకవర్గం గ్రూప్ రాజకీయ లతో,అవినీతి వేట లతో, బావ బామ్మర్ది పంచాయతీలతో కొట్టుకుంటున్నారు. మాజీ డిప్యూటీ సీఎం పుష్ప శ్రీవాణి.. పార్వతీపురం నియోజకవర్గం ఎమ్మెల్యే అలజంగి జోగారావు మధ్య కోల్డ్ వార్ నడుస్తుంది.. ఈ యుద్ధం ఎక్కడ వరకు చేరుకుందంటే ఆఖరికి పార్టీ కార్యక్రమాలలో ఒకరి పేరు ఒకరు చెప్పలేని స్థితికి చేరుకుంది. ఇటీవల పార్వతీపురం నియోజకవర్గంలో జరిగిన కార్యక్రమంలో స్థానిక ఎమ్మెల్యే జోగారావు పాల్గొన్నారు. ఇదే కార్యక్రమంలో అతనితోపాటు వైఎస్ఆర్సిపి నాయకుడు మాజీ డిప్యూటీ సీఎం పుష్ప శ్రీవాణి భర్త పరిషత్ రాజ్ కూడా పాల్గొన్నారు. ఆ కార్యక్రమంలో పరిషత్ రాజ్ ఎమ్మెల్యే జోగారావు పేరు చెప్పడానికి కూడా ఇష్ట పడలేదు. ఎమ్మెల్యే జోగారావు పై అనేక ఆరోపణలు వస్తున్నప్పటికీ దున్నపోతు మీద వర్షం కురిసినట్టు ఆరోపణలన్నిటిని పట్టించుకోకుండా ఎమ్మెల్యే పోతున్నారు అని బయట టాక్.

ఓవర్గం మీడియాను ఎమ్మెల్యే జోగారావు పెంచి పోషిస్తున్నప్పటికీ చాప కింద నీరులా ఆయనపై అవినీతి ఆరోపణలు పెరిగిపోతూ వస్తున్నాయి. దీనికి తోడు పార్వతిపురం ఎమ్మెల్యే టికెట్ రేసులో ప్రస్తుత టిడ్కో చైర్మన్  ప్రసన్నకుమార్ ఉన్నారు. ఈ మధ్యకాలంలో ప్రసన్నకుమార్ నియోజకవర్గంలో జరుగుతున్న కార్యక్రమాలపై దృష్టి పెంచారు. వచ్చే ఎన్నికల్లో ఎమ్మెల్యే టికెట్ ఆశిస్తున్నానని తన సొంత కార్యకర్తలకు పలుమార్లు చెప్పినట్టు కూడా సమాచారం. ఎమ్మెల్యే జోగారావు కి ఈ విషయం తెలిసి ముందుగానే అప్రమత్తమై ఓవర్గం ప్రజలతో చైర్మన్ ప్రసన్నకుమార్ పై నిఘా పెట్టమని చెప్పినట్టు విశ్వసించిన వర్గాల సమాచారం. ఈ గ్రూపు రాజకీయాలు మధ్య ఎమ్మెల్యే ఎమ్మెల్యే జోగారావు కోట్ల రూపాయలు దందా చేసి భారీగా సొమ్మును వెనకేసుకున్నారు.. ఇది ఆ నియోజకవర్గంలో చిన్నపిల్లాడిని అడిగిన చెప్పే సత్యం అంటూ భారీ టాక్ నడుస్తోంది. దీనికి నిదర్శనమే కొద్ది రోజుల క్రితం ఎమ్మెల్యే జోగారావు గడపగడప కార్యక్రమానికి పార్వతిపురం నియోజకవర్గంలోని బలిజిపేట మండలానికి వెళ్లారు. ఆ కార్యక్రమంలో ఎమ్మెల్యే పై తీవ్ర విమర్శలు చేస్తూ ప్రజలు ఆగ్రహం వ్యక్తం చేశారు.

సందట్లో సడే మియా అంటూ.. ప్రసన్నకుమార్ పరిషత్ రాజుతో కలిసిమెలిసి ఉంటూ జోగారావు పై అస్త్రాలు ప్రయోగించడానికి సిద్ధమైపోయారు. కానీ ఉత్తరాంధ్ర పెద్ద నేత నీడలో ఎమ్మెల్యే జోగారావు ఒంటి కన్నుతో నిద్రిస్తున్నారు. జోగారావు చుట్టూ ఎప్పుడూ ఉండే నలుగురు మనుషులు కీలకంగా పనిచేస్తూ అన్ని విషయాలను ఎప్పటికప్పుడు జోగారావు చెవిలో వేస్తూనే ఉన్నారు. తన నియోజకవర్గంలో ప్రసన్నకుమార్ వచ్చి పర్యటించడం.. ప్రజలతో మమేకం అవడం అంతా గమనిస్తూనే ఉన్నారు.. కానీ ఇక్కడ ప్రసన్నకుమార్ నోటితో మాట్లాడుతుంటే.. అక్కడ జోగారావు కరెన్సీ నోట్ల తో మాట్లాడుతున్నారు. ఇప్పుడు అందరూ కరెన్సీ వైపే చూస్తారు తప్ప నోటి మాటలతో చెప్పే తీయ్యటి అమృతమైన చేదుగానే అనిపిస్తుంది. 2014 ఎన్నికల్లో ప్రసన్నకుమార్ గెలుపు వరకు వెళ్లి ఓటమి పాలవడానికి కారణం కూడా ఈ కరెన్సీ నోట్లు. ఓటుకి నోటు పంచడంలో ఆయన విప్లమయ్యారు.. ఇప్పుడు కూడా చుట్టూ ఒక నలుగురిని వేసుకొని తిరగడం తప్ప చేసేదేమీ లేదంటూ కూడా సాగుతుంది. ముఖ్యమంత్రి జగన్మోహన్ రెడ్డి తో ప్రసన్న కుమార్ కి అత్యంత సాన్నిహిత్యం ఉన్నప్పటికీ గ్రౌండ్ లెవల్ లో విఫలమవుతున్నారు. అందుకే ఇప్పుడు చైర్మన్ ప్రసన్నకుమార్ తన రూటు మారుస్తూ ఈ మధ్యకాలంలో మీడియాపై ఫోకస్ పెంచారు.. బాగానే మీడియాలో ప్రచారం చేసుకుంటున్నారు.. అంతేకాదు కొంతమంది బడా నాయకులతో సంప్రదింపులు చేసి సహాయం కావాలి అని కూడా అభ్యర్థిస్తున్నట్టు సమాచారం.. ఈ అభ్యర్థన లిస్టులో పరిషత్ రాజు మొదటి వ్యక్తిగా తెలుస్తుంది. ఈ పార్వతీపురం,కురుపాం నియోజకవర్గాలలో పెద్దల పరిశీలన కరువైంది.. ఇక వచ్చే ఎన్నికలలో సొంత పార్టీ నాయకులే వారి ఓట్లను చీల్చే అవకాశం కనిపిస్తుంది. రాను రోజులలో ఏం జరుగుతుందో చూడాల్సిందే.